Prestaketa

Txekor buztana:

Txekor buztana zatitu eta gazitu/gatza bota. Irinetatik pasa eta oliotan frijitu. Bitartean, lapiko azkarrean olioa botako dugu eta tipula, azenario eta porrua zatituta erregosten jarri. Gorritzean, sagarra eta tomateak zatituta gehitu eta erregosten jarraitu. Bertara buztan zatiak eta ardo beltza sartuko dugu eta murriztean saldarekin estali eta egosten utziko dugu 30-40 minutuz. Ondoren, estalkia kendu, buztan zatiak atera eta salda birringailutik pasa. Iragazi eta arina badago, maizenarekin loditu eta berriro buztan zatiak saltsan sartuko ditugu berotzeko. Zartagin batean olioa botako dugu eta barrengorriak zatitu ondoren, bertan salteatu eta saltsara bota.

Patata purea:

Patatak azalarekin egosten jarri. Egosita daudenean, zuritu, zatitu eta bertara gatza, gurin zatiak eta esnea botako ditugu, ondo nahastuko dugu sardeskarekin.

Juka frijitua:

Juka zuritu eta zuritzailearekin xafla finak atera. Olio berotara bota eta bertan frijitu. Paperean xukatu eta gatza jarri.

BUKAERA:

Plater azpian patata purea jarri; gainean, buztan zatiak saltsarekin eta, ondoan, juka frijitua.