Prestaketa

Txekor lepoaldea gisatuta:

Txekor lepoaldea karratutan moztu, gatza bota eta lapikoan olioarekin gorritu. Bertan tipula, baratxuri alea eta azenarioa txikituta sartu eta gorritzen jarri. Ondoren, haragi zatiak eta tomate mamia gehitu. Belar usaintsuak eta ardo beltza bota eta murriztu. Salda gehitu, lapikoa estali eta egosten utzi 15-20 minutuz. Ondoren haragi zatiak atera, saltsa birrindu eta iragazi eta haragi zatiak berriro saltsarekin elkartu irakinaldi bat eman ondoren.

Barrengorriak garbitu, lau zatitan moztu eta zartaginean olioarekin salteatu. Gatza jarri eta haragiarekin batera nahastu.

Barazki egosiak salteatuta:

Barazki bakoitza zuritu, garbitu eta mozketa desberdina eman ondoren uretan egosi eta ur hotzetara pasa.

Zartagin batean baratxuria, almendrak eta urdaiazpikoa gorritu olioarekin. Ondoren almaizean txikitu. Barazkiei gainetik bota.

Patata saretxoak frijituta:

Patata zuritu eta mandolinarekin patatari forma eman. Oliotan frijitu. Xukatu eta gatza jarri.

Bukaera:

Plater batean txekor lepoalde gisatua jarri eta ondoan barazkiak bata bestearen ondoan. Patata saretxoak frijituta gainetik banatu.