Prestaketa

Amuarrain hanburgesa:

Amuarraina xerratu, azala eta hezurrak kendu, eta zatitxo txikitan moztu. Ontzi batean, esnea moldeko ogiarekin jarri, eta bustitzen denean, xukatu. Tipula gorria eta baratxuriak txikitu, eta zartaginean, olioarekin erregosi.

Osagai guztiak ontzi batean sartu, eta ondo nahastu. Hanburgesak egin, eta zartagin batean gorritu.

Perretxiko, tipulin eta urdaiazpiko salteatuak: 

Perretxikoak zatitu. Tipulinaren zati zuriaren laurdena txikitu, eta baita berdea ere; urdaiazpikoa ere txikitu. Zartagin batean, perretxikoak bota; ondoren, tipulina, eta azkenik, urdaiazpikoa. Dena su bizian egin olioarekin. Gazitu.

Rouille saltsa:

Osagai guztiak ontziratu olioa izan ezik. Birringailuarekin txikituz joan, eta olioa pixkanaka bota saltsa bat egin arte.

BUKAERA:

Plater batean, barazki salteatuak jarri, eta gainean, amuarrain hanburgesa jarri. Ingurutik saltsa bota.