Prestaketa

Untxia txokolatearekin:

Untxia zatitu, gatza bota eta irinetatik pasa ondoren, zartagin batean olioarekin gorritu. Bertara tipula, baratxuriak, azenarioa eta porrua txikituta gehitu eta erregosten utzi eta kanela adarra, ezkaia eta erramua sartu. Untxi zatiak gehitu eta ardo beltza, jerez ardoa eta brandya bota eta egosten jarri. Gero salda gehiago gehitu behar bada eta saltsa arina geratzen bada irina jarri. Bukaeran txokolatea  eta Ezpeletako pipermina sartu.

Patata karratu frijituak:

Patatak zuritu eta karratutxotan moztu, oliotan frijitu, xukatu eta gatza eta Ezpeletako pipermina bota.

Aran pasak oportoarekin:

Osagai guztiak eltze batean elkartu eta egosten jarri ardoa murriztu eta konpota bat bezala geratu arte.

Bukaera:

Plater batean untxi gisatua jarri, gainetik patata frijitua bota eta ondoan aranak jarri.