Prestaketa

Txerri ukalondoa:

Aza juliana finean ebaki eta ur irakinetan egosiko dugu. Egosi ondoren, ur hotzarekin hoztu. Zartagin batean tipulinak, juliana eran ebaki ondoren, oliba olioarekin erregosten jarriko ditugu. Ontzi batean tipulin erregosia, aza egosia eta ukalondo zatiak sartuko ditugu. Soja eta ostra saltsa eta sesamo olioa botako ditugu, ondo nahastu eta brick orriarekin tutu luze bat egingo dugu. Erretilu batean jarri eta labera sartuko dugu, 180ºC-tan 10 minutuz.

Ukalondo saltsa:

Tipulina fin xehatu eta oliotan erregosi. Sagarra brunoise eran zatituta gehitu. Salda urritua gaineratu eta 10 minutu egosten utzi. Gurinarekin harrotu.

Entsalada baratxuri erre ozpin-olioarekin:

Ontzi batean hostoak eta kimuak garbituta jarriko ditugu. Ozpin-olioaren osagaiak ontzi batean sartu eta birringailuarekin ondo txikitu. Geroko gorde.

BUKAERA:

Plater luze batean, 2 koilarakada ukalondo-saltsa botako ditugu eta ondoan txerri ukalondo kurruskaria jarriko dugu. Hosto eta kimu entsalada gozatu eta tutuaren gainean jarriko dugu.