Prestaketa

Piperrada:

Tipula eta piper berdea juliana eran zatitu eta, baratxuriarekin batera, zartagin batean olioarekin erregosi. Tomatea zuritu, haziak kendu eta zatituta zartaginera bota eta erregosten jarraitu. Barazkiak eginda daudenean, piper txorizero mamia gehitu eta ondo lotuta utzi dena. Perrexila bota.

Bakailaoa pil-pilean:  

Olioa baratxuri aleekin epeltzen jarri eta bakailao solomoak sartu. Honek bere gelatina askatuko du eta mugimendu txikiekin gelatina eta olioa elkartzen joango gara pil-pila egin arte. Piperrradarekin nahastu.

Bakailao azal kurruskaria:

Bakailao azalak erretilu batean luzatu eta labean 80 ºC-tara lehortuko ditugu. Zatitan ebaki eta kutxa batean gorde. Frijitu behar direnean, olioa ondo berotu eta oliotan sartu. Puzten ikusiko ditugu. Paper xurgatzaile batera pasa eta gatza bota.

Perrexil olioa:

Ontzi batean perrexil hostoak, gatza eta olioa bota. Birringailuarekin ondo txikitu eta biberoi batean sartu.

BUKAERA:

Plater azal batean, “club ranero” bakailao zati bat jarri bere saltsarekin eta honen gainetik perrexil olio hari batzuk bota eta bakailao azal kurruskari batzuk jarri. Perrexilarekin bukatu.