Prestaketa

Txekor ragouta

Lapiko batean oliba-olio txorrotada bat bota eta berotzen jarri. Haragi zatiei gatza eta piperrautsa bota, irinetatik pasa eta oliotan gorritu. Azenarioa eta típula brunoise erara zatitu eta, haragia gorritu ondoren, lapikoan sartu baratxuri txikituarekin batera. Buelta batzuk eman eta tomate urritua gehitu. Ondo nahastu eta ardo beltza sartu. Pixka bat urritu ondoren, ura bota, lapikoa itxi eta 30 minutuz egosten utzi.

Babarrun zuriak

Lapiko batean babarrun zuriak, piper berdea, tomatea, tipula eta oliuba-olio txorrotada bat sartuko dugu. Urez estali eta sutan jarriko dugu irakiten. Tapa jarri eta 20 minutuz egosten utzi. Denbora pasatutakoan, barazkiak ontzi batean sartu eta ondo birrindu ondoren, berriro lapikora botako ditugu babarrunen salda lodia geratu dadin.

Ragoutaren lagungarria

Patatak zuritu, karratutxotan zatitu eta oliotan frijituko ditugu. Barrengorriak garbitu eta lautan zatitu, zartagin bero batean olioarekin salteatu eta gatz pixka bat jarri. Ragoutera bota bi prestaketa hauek.

Pipar ozpin-olioa

Piparrei barruko haziak kendu eta xerratan zatituko ditugu. Perrexil txikitua, gatza eta oliba olio txorrotadatxo bat bota. Ondo nahastu.

BUKAERA

Plater sakon batean metalezko uztai bat jarri eta bertan txekor ragouta jarriko dugu, inguruan babarrun zuriak eta uztaia kendu egingo dugu. Ragoutaren gainetik patata frijituak eta barrengorriak banatuko ditugu. Babarrun zurien gainetik pipar ozpin-olioa botako dugu.