Prestaketa

Quesada pasiega:

Gurina izan ezik beste osagai guztiak ontzi batean sartu eta birringailuarekin ondo nahastu, gurin hurtua gehitzen diogun bitartean. Moldean sartu eta labean 170ºC-an egosi 15-20 minutuz.

Hostopil xaflak karamelizatuta:

Hostopila luzatu eta azukre hautsa gainetik bota. Hirukitan moztu eta 180ºC-an laberatu karamelizatu arte.

Marrubiak bere zukuan:

Azukrea karamelizatzen jarri eltze batean eta bertara marrubi zukua botako dugu. Elkartzen direnean, marrubiak zatituta gehitu, irakinaldi bat eman ostean, juliana eran moztutako mentarekin nahastu eta erreserbatu.

Banilla saltsa:

Eltze batean esnea banilla esentziarekin berotzen jarri. Beste ontzi batean gorringoak, azukrea eta arto irina sartu eta ondo nahastu. Esne beroa gehitu eta sutan jarri loditu arte. Hozten utzi.

Bukaera:

Plater batean quesada pasiega zati bat jarri eta ondoan marrubiak, banilla saltsa eta hostopil hirukiak.