Prestaketa

Olo krepeak

Ontzi batean osagai guztiak elkartu eta birringailuarekin ondo nahastu.

Krepe zartagina berotu eta gurin pixka batekin koipeztatu. Bertara krepe ore koilarakadak botatzen joango gara krepeak egiten joateko.

Krepeak betetzen joango gara eta krepe bakoitzaren ondoren, gazta krema koilarakada bat luzatuko dugu, eta 3 solairu bakoitzean, mugurdi eta ahabi batzuk jarriko ditugu. Krepe guztiak erabiltzean, txokolate saltsarekin estaliko dugu.

Betegarria

Esne gaina azukrearekin nahastu eta hagaxkarekin harrotu. Gazta krema gehitu eta ondo nahastu. Gozogintzako zorro batean sartu.

Esnea eltze batean berotzen jarri eta txokolatearekin nahastu saltsa bat egiteko.

Anakardo karamelizatuak

Zartagin batean anakardo txigortuak, azukrea eta ur pixka bat sartu. Bueltak eman eta azukrea murrizten hasten denean, fruitu lehorrak kolorea hartzen hasiko dira. Karamelizatu direnean, erretilu batera pasa eta hozten direnean, labanarekin txikitu.

Marrubiak bere zukuan

Zartagin batean azukrea bota limaren azal birrinduarekin, honen zukua eta jengibre birrinduarekin. Karamelizatzen hasten denean, marrubi zukua bota eta dena elkartuta dagoenean, marrubiak erditik moztuta gehitu, 2 minutuz irakin eta erreserbatu.

BUKAERA:

Plater batean krepe tartaren triangelu bat jarriko dugu, eta gainetik anakardo karamelizatu batzuk jarriko ditugu eta marrubi koilarakada bat.