“Irabazi Arte” komiki interaktiboa, bost hizkuntzatan

Bost hizkuntzatan dago eskuragarri "Irabazi Arte" telesailean girotutako komiki interaktiboa. Orain arte, euskaraz eta katalanez irakurri zitekeen, baina dagoeneko, eskuragarri dago gaztelaniaz, frantsesez eta ingelesez ere.

KomikiAPP EITBren mugikorretarako aplikazioan aurkitu dezake erabiltzaileak "Irabazi Arte: Iraganeko mamua" izeneko komikia, "Artxipelagoa"rekin batera. Aplikazio hau Android eta iOS sistemetarako garatu da, eta Play Store eta APP Store dendetan sartuta jaitsi daiteke.

Otsailean, Euskal Telebistan telesailaren bigarren denboraldia estreinatzearekin batera, komiki interaktibora "Printzesak" taldeko futbolarien istorio berri bat iritsiko da.