Aloña Oiartzabal izan da, sorpresaren lehiaketako irabazlea

Tamalez, Covid-19ak izan duen gorakadaren ondorioz eta Eusko Jaurlaritzak aste honetan eman dituen gidalerroak jarraituz, EITB Mediak etxera bisita ez egiteko erabakia hartu du. Hala ere, irabazleak sari bat jasoko du.

"Go!azen" telesaileko bi aktorek jarraitzaile baten etxera egin beharreko bisita bertan behera uztea erabaki du EITB Mediak, Covid-19 gaixotasunak hartu duen indarra ikusita eta Eusko Jaurlaritzak aste honetan hartu dituen erabakiak kontutan hartuta.

Aloña Oiartzabal, Astigarragakoa, izan da zozketako irabazlea. Euren plana lehen atal hau etxean ikustea zen 6, 9 eta 12 urteko seme-alabekin eta txokolate beroa eta bizkotxoa jatea.

Bisita jaso ez arren, opariak jasoko dituzte: kaleratu berri dugun "Go!azen"en diskoa eta azken liburua.

Asko sentitzen dugu egoera honetan egotea berriz ere. Baina MILA MILIOI aldiz eskertzen dizuegu guztioi parte hartu izanak.