telebista
Kirolak
Urrezko Aizkolariak eta Eibarko pilota jaialdia, gaur, ETB1en eta eitb.eus-en
EiTB
Eguerdian, Urrezko Aizkolariak izango dira ikusgai, Burgelutik zuzenean. Arratsaldean, ostera, bi pilota partida eskainiko dira.
-
Urrezko Aizkolariak 2019. Imagen obtenida de un vídeo de EITB
Gaurko kirol eskaintza aizkolaritzak eta binakako bi pilota partidek osatuko dute. Zuzenean jarraitzeko aukera izango da ETB1 eta eitb.eus-en bidez.
Jardunaldia 12:00etan hasiko da Herri Kirolekin. Burgelutik zuzenean Urrezko Aizkolariak arituko dira, gizonezkoen proba lehenik eta emakumezkoena, ondoren. Ibon Gaztañazpi eta Joxe Etxebesteren gain egongo da solasaldia. Ondoren,16:00ak aldera, aizkolaritzarekin jarraituko du ETB1ek. Zestoan jokatutako banakako finalerdiak izango dira ikusgai.
Gero, 17:15ean pilota hasiko da "ETB Kantxa" tartearekin. Lehen partidan Agirre-Erasun vs P. Etxeberria-Untoria izango dira aurrez aurre. Ondoren, Olaizola II-Albisu vs Altuna III-Zabaletaren aurka arituko dira. Xabier Euzkitze, Abel Barriola eta Elena Azpeitia izango dira kontaketa egitearen arduradunak.
