Euskadi Irratia

BESTE-40-URTEAN

Juan Kruz, Gari eta… Kaxiano

Euskadi Irratiaren antzera urteurren borobila du Legazpiko "Juan Kruz" ile-apaindegiak. Juan Kruzen aitak zabaldu zuen orain lau hamarkada eta oso gazte zela hasi zen Juan Kruz aitaren ondoan lanbidea ikasten. Aita-semei bixita egin diegu, eta kontatu digute gizonezkoen orrazkerak balio duela historiaren kontakizuna egiteko.  Gizonek atzeraka orrazten zuten ilea Hollywoodeko urrezko garaira arte baina ondoren, aktoreen eraginez, ilearen artesia alde batean orrazten hasi ziren. 70reko hamarkadan, hippie mugimenduak txima luzeak jarri zituen modan, eta gaur egun berriz, gazteek futbolarien antzera belarri gainak higatuta nahi izaten dituzte. Legazpiarra da Juan Kruz Fernandez ile-apaintzailea eta herri berekoa da Gari kantaria ere. Zergatik joan gara Hertzainak taldeko kantariarengana? Eta zergatik ageri da Kaxiano goiko izenburuan? Galderak argitzeko egin "klik" eta entzun saioa.