Aurtengo azken entzierroa amaitu bezain laster, langileak ibilbidean dauden 900 zutoinak, 2.700 oholak eta 2.500 egurrezko falkak kentzen hasi dira. Hermanos Aldaz aroztegia arduratzen da hesi bikoitz horretaz, ibilbide osoan herritarren segurtasuna bermatzeko.

Anabel Arraiza, Iñaki Ainciburu, Albina Stardust eta Iñigo Ziganda izan dira Iruñeko kaleetan erreportari. Langile saiatuak eta finak dira, baina hartualdi putzak izan dituzte, eta Iban Garatek erakutsi dizkigu aurtengo sanferminak agurtzeko. Ez galdu!

Iruñeko katedraleko ezkilen bitartez ongi etorria ematen zaie sanferminei. Hain zuzen, jaietan uztailaren 6an eta 7an jotzen dira. Anabel Arraiza katedralera igo da kanpaijoleen lana kuxkuxeatzera.

Zezenen erakusleiho dira entzierroak, eta bakoitzaren adarren ezaugarriak eta berezitasunak igarri ahal ditugu bertan. Adibidez, Cadizko Fuente Ymbro ganadutegiko zezen batek zulotxoa zuen adarrean. Zergatik jazotzen da? Asier Alvite albaitariak erantzuna eman digu.

Miura, Vitorino, Jandilla edo Cebada Gago? Zein ganadutegirekin lotuko zenituzke Lau t'erdiko San Fermin Torneoko finalistak, Altuna eta Peña hain justu. Anabel Arraiza kalean izan da galdetzen.

San Fermin santua Santo Domingoko aldapan dagoen horma-hobira eramaten du goizero Goizargik, korrikalariek, ohi bezala, entzierroaren aurretik kanta diezaioten. Gero, etxeko saloian gordetzen du, hurrengo egunean berriz eramateko. 1978. urtetik eusten diote tradizio horri.

Speed 24 milioi jarraitzaile ditu eta zuzeneko emanaldiengatik da ezaguna, mundu osoko hainbat lekutan egiten baititu edukiak. Ustekabean agertu da sanferminetan, baina Foruzaingoak zezen-plazatik atera behar izan du, jende-oldea zela eta.

Estafetako balkoiak bete egiten dira  zezenak nolaigarotzen diren ikusteko, baita karrika honetako tabernen ateak ere. Azkenaldian indarra hartu du aukera honek. Gainera, hamaiketakoa ere eskaintzen dute. Bodegón Sarriako Julian eta Gorka han izaten dira, adibidez, goizeko 05:45etik aurrera.

Japonian oso ezagunak omen dira sanferminak. Hala esan dio Iñaki Aitzinbururi Kyliek, Estafetako balkoi batean topatu  duen turista japoniarrak. Pribilegioa da, hain justu, bertatik zezenak igarotzen ikustea.

Deskantsua, ibuprofenoa, propoleoa eta patxaran apur bat. Sanferminetan jotak ondo abesteko hori behar dela dio Iñaki jota-abeslariak barrezka. Paula eta Haizearekin batera, euskaraz jota eder bat eskaini digute zuzenean.

Entzierroaren aurretik abesten den kanta abesteko gai al gara? Zein ganadutegi etortzen dira urtero? Gerrikoa jartzen ba ote dakigu? Anabel Arraiza kalean ibili da galderok egiten, eta jendearen ezagutza-maila neurtzen. Zein ote da emaitza?

Ehunka haur entzierro txikian korrika egitera ausartu dira aurten ere. Santo Domingoko aldapan lasterketa ederrak ikusi ahal izan dira eta korrikalariren bat adarkatu dute.

Euskal sozialisten buruak adierazi duenez, lehenik osabarekin hasi zen entzierroetan parte hartzen eta gero lagunekin. Aitortu du sustoren bat izan duela 27 urte hauetan, baina berarentzat oso une hunkigarria dela.

75 urtebete ditu Duguna dantza taldeak eta urteurren hau ez dute erraz ahaztuko Itxaso Martinez de la Pera eta Aritz Ibañez Lusarreta kideek. Txupinazoa bota dute aurten, eta, haien hitzetan, prozesu guztia eta jasotako babesa berezia eta gozoa izan da.

Cebada Gagoko zezenen entzierroa azkarra izan zen, baina batek adarra hautsi zuen. Cadizera itzuliko da, eta adarra konponduko diotela azaldu digu Asier Alvite albaitari eta ganaduzaleak. Nolakoa da prozesu hori?

Entzierroa ezin du edonork korritu. Arau batzuk errespetatu behar dira, eta hori horrela izateaz arduratzen dira udaltzainak aldez aurretik ibilbide osoan egiten duten miaketan. Arau-hausteek isunak ekar ditzakete. Zeintzuk dira ordea?

Gaztelulekuko sorbeteak badu zerbait berezia, zerbait magikoa. Jende asko erakartzen du, eta ez bakarrik iruindarrak. Txanpua ere deitzen omen diote. Zer edukiko ote du hain gozoa egoteko? Albina Stardust han izan da edari honen sekretua argitu asmoz.

Telebistaz edo streaming bidez zuzenean jarraitzen dituzte entzierroak, urduritasunez, Nafarroako Unibertsitate Ospitaleko larrialdietan egunero. Protokolo guztiak ondo finkatuta daudela azaldu digute Eider sendagileak eta Nekane erizainak.

Sanferminetan festa etengabea izaten da Iruñean, eta gaueko zoramenaren ondoren, kaleak entzierrorako prest utzi behar dira. Nola egiten dute hori?

Entzierro berezia izan da 2024ko lehena; izan ere, La Palmosilla ganadutegiko zezenek ez diete korrakalariei erreparatu, eta lasai-lasai heldu dira zezen-plazara. Asier Alvite albaitari eta ganaduzaleak azaldu digu zergatik.

Larunbat honetan Iruñean eztanda egingo duen San Fermin jaien zirrara gugana hurbiltzeko ahalegin berezia egingo du EITBk beste behin. Programazio bereziaren aurkezpena egin da ostegun honetan, Nafarroako hiriburuan.