Albisteak
Errepasoa
Delorean, Modus Operandi eta Willis Drummond, asteburuko kontzertuen agendan
Itziar Urdapilleta | Eitb.eus
Musika-hitzordu ugari izango ditugu egunoetan. Izaki Gardenak, Montauk, Inoren Ero Ni, Muted, Niketz, Governors eta beste hainbat talde arituko dira asteburu honetan gurean zuzenean jotzen.
-
Modus Operandi
Urtarrileko azken asteburuko agenda prest dugu Gaztean, planak egiten hasteko:
OSTIRALA
Modus Operandi taldeak ostiral gauean Alegiako gaztetxean eskainiko duen kontzertua aipatuz hasiko dugu asteburuko agendaren errepasoa Gaztean. Horrez gain, Inoren Ero Nikoak Donostiako Txantxerrekan arituko dira zuzenean. Horiez gain, talde gehiago arituko dira gurean: Nikotina, Brigade Loco eta Criminal Remains, Andoaingo Gaztetxean, eta Dead Furies, Sopelako La Triangun.
Bestalde, Huntzak Xilema diskoa aurkezteko bira hasiko du ostiral honetan Glasglow hirian, Eskozian.
LARUNBATA
Ufestuek eta Governors taldeek girotuko dute larunbat gaua Baionako Gaztetxean; Muted eta Niketz Bilboko Azkena Rock aretoan izango dira, eta Delorean taldekoak Intxaurrondoko Kultur Elkarteko oholtza gainera igoko dira 22:00etatik aurrera.
Inoren Ero Nik hitzordu bikoitza du asteburuan; izan ere, ostiralean Donostian arituko da eta larunbatean Gasteizko Jimmy Jazz aretoa girotuko du, Willis Drummondekin batera. Capsulla taldeak ere, Arabako hiriburuan emango du kontzertua, Helldoradon.
Azkenik, Iruñeko musika-eskaintza errepasatzeko orduan, Izaki Gardenak eta Montauk Indara aretoan izango direla ikusi dugu.
