EITB TALDEA
Urtarrilaren 6an
Betizu Taldeak berriro elkartu ondoren eskainitako kontzertua PRIMERANen estreinatuko da Errege egunez
EITB Media
Nerea Aliasek eta Joseba Olagaraik aurkeztuta, 20 urte eta gero, Betizu Taldeko kideak bilduko ditu eta sorpresa ugari eskainiko du ikuskizunak.
-
Betizu Taldeko kideak
Hogei urte eta gero, Betizu Taldetik pasa diren abeslariek kontzertu berezi bat eman dute eta doako PRIMERAN euskal streaming plataforman estreinatuko da Errege Egunean. Nerea Aliasek eta Joseba Olagaraik, Betizuren aurkezle ohiek, "BT 2025" kontzertua gidatuko dute. Halaber, Elene Arandia, Jon Urbieta, Zuriñe Hidalgo, Telmo Idigoras, Leire Merino, Karla Dudran, Saida Rouan eta Ainara Epelde bilduko dira oholtza gainera. Gonbidatu berezia izango dute gainera: Olaia Inziarte abeslaria. BTk bere ibilbidean ateratako lau diskoetako abesti ezagunak izango dira entzungai, tartean ez dira faltako "Lokaleko leihotik" eta "Zein ederra zaren", eta beste kanta arrakastatsu batzuk.
Bestalde, jende ospetsuaren eta Betizu taldeko oso hurbilak izan diren lagunen bideoak tartekatuko dituzte: Mikel Zubimendi, Benito Lertxundi, Miren Amuriza, Alain Perez, Joseba Urkiola, Xabi Alonso, Alex Ubago, Amaia Montero, Eneko Sagardoy, Julen Telleria, Amane Ibañez, Unai Iparragirre, Lorea Perez de Albeniz, Izaskun Forkada, Joxe Mendizabal etab.
