Gizartea -
PORTUGALETE
Metroko atearekin besoa harrapatu duen haur bat erreskatatu dute Peñotan
09:15ak aldera askatu dute suhiltzaileek eta onik eraman dute Gurutzetako ospitalera. Erreskateak atzerapenak eragin ditu zerbitzuan.
EITB.EUS
Adin txikiko batek metroko bagoi bateko atearekin besoa harrapatu du Peñotako geltokian, Portugaleten, Eusko Jaurlaritzako Segurtasun Sailak jakinarazi duenez.
08:55ak aldera gertatu da, oraindik argitzeke dauden arrazoiak tarteko.
Besoa harrapatu duen unean, emakume heldu batekin zihoan. 09:15ak aldera Bizkaiko suhiltzaileek erreskatatu dute eta onik eraman dute Gurutzetako ospitalera.
Gertaera hori tarteko eta erreskateak iraun duen bitartean, atzerapenak izan dira metro zerbitzuan.