Jon Maya eta Xabi Bandinirekin 'Gauekoak' ikuskizunaz, 'Gure Kasan'n

Gaur, bi gonbidatu izango dituzte 'Gure Kasa' saioan: Jon Maya dantzaria eta Xabi Bandini musikaria. Gauekoak ikuskizuna aurkeztuko digute, Kukai dantza taldearen lan berria. Xabi eta Jonekin batera, Arkaitz Miner musikariak ere parte hartzen du dantza eta zuzeneko musika uztartzen dituen proposamen berri honetan.

Gainera, Jon Maya oholtzan ikusteko aukera izango dugu ikuskizunean, eta ez soilik dantzan, baita abesten ere. Horrez gain, Jon Mayak dantzari gisara egindako ibilbide profesionala errepasatuko dute, baita Xabi Bandiniren ibilbide musikala ere. Bandinik bere disko berria ere aurkeztuko du zuzenean.

Gonbidatuekin batera, Ainhoa Sanchez kolaboratzailea ere platoan izango da. Realeko Maite taldea ezagutzera joan da Donostiara. Saioa bukatzeko, Gauekoak ikuskizuneko lagin txiki batez gozatzeko aukera izango dugu.

'Gure Kasa' astelehenetik ostegunera izaten da ikusgai ETB1en eta eitb.eus-en, 21:00etan.