Eitb Kultura
ETB1en eta ETB2n
Sua taldearen berriena, gaur gauean, "EiTB Kultura" saioan
EiTB
Irati Eguren ilustratzailea, Lucia Baskaran idazlea eta Maria Muriedas bideo sortzailea ere izango dituzte gonbidatu.
-
Sua musika taldea. EiTBren bideo batetik ateratako irudia
Gaur gauean, Euskal Telebistako "EiTB Kultura" saioak musika, ilustrazioak, bideo lanak eta liburu gomendioak ekarriko ditu. Sua taldeak konfinamendu garaia musika berria sortzeko baliatu du, eta estudioan izan dira egunotan kantu berri bat grabatzen.
Bestalde, Irati Eguren ilustratzailearen lana ezagutzera ere joango da "EiTB Kultura" saioa. Esku artean dituen proiektuez berba egingo du artistak, eta orain arte egin dituenak erakutsiko dizkigu.
Ondoren, Zarautzera joango dira, Lucia Baskaran idazlearekin elkartzeko. Kazetariak bere gustuko liburu, disko eta pelikulak zeintzuk diren azalduko du.
Bukatzeko, Maria Muriedas artistaren ikus-entzunezko lana ezagutzeko, mendi buelta bat egingo dute berarekin.
"EiTB Kultura" ostegun gauetan izaten da ikusgai ETB1en (00:30), ETB2n (01:05) eta eitb.eus-en.
