boxeo izarrak
00:25ean
Hiru borrokaldi bikain, gaur gauean, 'Boxeo Izarrak' saioan
EiTB
Besteak beste, welter pisuko kontinente-arteko txapelketa izango da ikusgai, Sergey Lipinets eta Jayar Inson boxeolarien artekoa.
-
Boxeo Izarrak saioaren logoa. Irudia: EiTB
'Boxeo Izarrak' saioak hiru borrokaldi bikain eskainiko ditu gaur gauean. Hasteko, Sergey Lipinets eta Jayar Insonen arteko norgehiagoka eskainiko dizuegu, welter pisuko kontinente-arteko txapelketa. Lipinets, munduko txapeldun izan zen 2017an pisu superarinean, 15 garaipen ditu eta porrot bakarra.
Bigarren norgehiagoka, Christian Mbilik eta Humberto Gutierrezek egingo dute. Mbili frantziarraren zenbakiak harrigarriak dira: 13 borrokaldi, 13 k.o. Gutierrez mexikarra, ostera, munduko txapeldun izan zen orain hamar urte.
Azkenik, Carlos Castro eta Genesis Servania ikusiko ditugu. Castrok orain arteko 21 neurketak irabazi ditu. Servainak bakarra galdu du 33 borrokalditan, munduko titulua jokoan zegoela.
'Boxeo Izarrak' gaur izango da ikusgai, 00:25etik aurrera, ETB1en eta eitb.eus-en.
