Biba Zuek
18:00etan
Udako oporrak hizpide, gaurko "Biba Zuek!" saioan
EITB Media
Oporrak prestatzeko aholkuak emango dituzte, tartean, furgonetaz bidaiatu behar dutenentzat eta umeekin doazenentzat. Ondoren, Mikel Lizarralde izango dute gonbidatu, 'Diario de un medium' bere azken liburua aurkezteko.
-
Xabier Sukia eta Maddalen Arzallus, "Biba Zuek!" saioko aurkezleak
Gaurko "Biba Zuek!" saioan udako oporren inguruan arituko dira, eta horiek prestatzeko aholkuak emango dituzte zenbait gonbidatuk. Besteak beste, furgonetaz bidaiatu behar dutenek jatekoa nola prestatu dezaketen azalduko dute; horrez gain, umeekin bidaiatu behar dutenentzako gomendioak emango dituzte, eta maleta nola egin ere azalduko dute.
Ondoren, elkarrizketaren tartean, Mikel Lizarralde medium urretxuarra izango dute gonbidatu Diario de un medium bere azken liburua aurkezteko.
"Biba Zuek!" ostiralean izango da ikusgai 18:00etatik aurrera ETB1en eta eitb.eus-en.
