Ines Osinaga musikaria, gaur arratsaldean "Biba Zuek!" saioan

Gaur arratsaldean, Ines Osinaga musikari arrasatearra izango dute gonbidatu "Biba Zuek!" saioan. Besteak beste, Itsasoa da bide bakarra disko-proiektuari buruz hitz egingo du eta "Dena aldatzen da" abesti berria aurkeztuko du aurrerapen gisa. Halaber, Joseba Sarrionandiarekin batera eskaintzen duen Olatu arteko txalupa arraroa ikuskizunaz ere arituko da.

Lehen orduan, Jaso Musikala ikuskizuneko kideak izango dituzte platoan. Iruñeko Jaso Ikastolako ikasle eta irakasleak musikalaren 10. urteurrena ospatzen ari dira aurten. Gainera, Bartzelonan, Alzheimer 2021 sozial saria irabazi dute iaz egindako musikalarekin, eta, aurten egindako ikuskizunarekin, Islandiara joango dira.

"Biba Zuek!" astelehenetik ostiralera izaten da ikusgai 18:00etan ETB1en eta eitb.eus-en.