Ylenia Baglietto eta Mitxel Santamarina, 'Erresuma' antzezlana aurkezten, gaur, "Biba Zuek!" saioan

Gaurko "Biba Zuek!" saioan Erresuma (Erresuma/Kingdom/Reino) antzezlana izango dute hizpide. Shakespeareren obran oinarritutako lana da, eta Bernardo Atxagak ekarri du euskarara. Hamaika aktorez osatutako lantaldea dute, eta saioko platoan horietako bi izango dituzte: Ylenia Baglietto eta Mitxel Santamarina. Otsailaren 11n estreinatu zuten Bilboko Arriaga Antzokian; eta, ondoren, Iruñean, Madrilen, Donostian, Gasteizen eta beste hainbat tokitan dituzte hitzorduak.

Aurretik, saioaren lehen orduan, pederastiaz arituko dira hainbat gonbidaturekin. Norberak bere istorioa kontatuko du, eta Maitane Ormazabal coach-a ere platoan izango da, gaia jorratzeko.

"Biba Zuek!" astelehenetik ostiralera dugu ikusgai, 18:00etatik aurrera, ETB1en eta eitb.eus-en.