Sara Gandara aurkezle eta kazetaria, gaurko "Biba Zuek!" saioan

Gaur, Sara Gandara aurkezle eta kazetaria izango dute "Biba Zuek!" saioan gonbidatu. Ibilbide luzea darama Sarak kazetaritza eta telebistaren munduan eta iaz Airean! saria irabazi zuen. Gaur egun, ETB2 albistegietako "Kirolak" saioa aurkezten du egunero, baita kiroletako saio bereziak ere.

Lehen orduan, bizikleta lagun duten hiru gonbidatu izango dituzte. Adrian Juradok bizikleta bere hirugarren besotzat du; izugarrizko gaitasuna du hau maneiatzeko. Aitor Garmendiak Euskal Herriko mugak bost egunetan zeharkatu ditu bizikletaz, eta Asier Arroitak Hong Kongetik Ortuellara bizikletaz bidaia abiatu zuen.

"Biba Zuek!" gaur izango da ikusgai 18:00etatik aurrera ETB1en eta eitb.eus-en.