Biba Zuek
18:00etan
Pako Aristiren poesia lan berriaz, arratsaldean, "Biba Zuek!" saioan
EITB Media
Lehenbiziko orduan, bizilagunik gabe husten doazen Nafarroako herriei begira jarriko dira Maddalen Arzallus eta Xabier Sukia.
-
Pako Aristi idazlea. EITB Mediaren bideo batetik ateratako irudia
Nafarroako herri txikiak, bizilagun gabe, husten ari dira eta fenomeno kezkagarri honen gainean hitz egiten hasiko dute gaurko saioa "Biba Zuek!" programan. Tendentzia honek, euskara ere herri horietan galtzeko arriskua dakar. Maddalen Arzallus eta Xabier Sukia udalerri hauetan bizi diren gonbidatuekin mintzatuko dira.
Pako Aristi izango dute bigarren orduan "Biba Zuek!" saioko platoan; Ni eta Gu. Zazpigarren uhina lan berria aurkeztera joango da. Idazlearen zazpigarren poema liburua da, berak egindako 21 argazkiz edertua. Liburua itsasoari eta itsasaldeko langileei begira ondutako lana da.
"Biba Zuek!" astelehenetik ostiralera izaten da ikusgai 18:00etatik aurrera ETB1en eta eitb.eus-en.
