Joseba Sacristan Gaztea irratiko esataria, gaur, "Biba Zuek!" saioan

Gaur arratsaldean, airean ibili eta airean gidatzea maite duten gonbidatuak izango dira "Biba Zuek!" saioko lehen orduko protagonistak. Ni naiz kapitan pilotu izena daraman atalean, pilotuak eta parapentistak izango dira platoan; adibidez, Joseba Sacristan Gaztea irratiko esataria.

Ondoren, Vidal Salcedo medikuak koronabirusaren aurkako txertoaren inguruko zalantzak argituko ditu. Zeintzuk dira txertoaren albo-ondorioak? Zergatik gomendatzen da gehiegizko pisua dutenek txertoa jartzea?

Bestalde, bigarren orduan, Ylenia Baglietto eta Lander Otaola izango dira gonbidatu nagusiak. Humor y Amor musikala aurkeztuko dute, otsailaren 12an estreinatuko baita Euskalduna Jauregian.

"Biba Zuek!" saioa, astelehenetik ostiralera izaten da ikusgai, 18:00etatik aurrera, ETB1 eta eitb.eus-en.