Mikel Reparaz kazetaria, gaur arratsaldean, "Biba Zuek!" saioan

Gaur arratsaldean, "Biba Zuek!" saioan, "Guraso izan nahi dut" gaiaren inguruan arituko gara. Zenbait testigantza eta ikuspuntu izango ditugu horren harira, haurdunaldi subrogatu bidez haurrak izan dituen gonbidatu bat, intseminazio artifizialaren bidez ama izan den emakume bat eta baita ugalketa lagunduko klinika bateko ginekologoa eta arduraduna ere. Solasaldi horretan bidelagun lanak egingo ditu Maitane Ormazabalek.

Saioaren bigarren ataleko gonbidatu nagusia Mikel Reparaz kazetaria izango dugu. Las grietas de América: Bajo la piel de un país dividido liburua aurkeztu du duela gutxi eta horretaz eta bere ibilbideaz hitz egitera dator.

Osteguneko saioan platoko kolaboratzaileak Vidal Salcedo medikua, Ainhoa Vitoria irrati esataria eta Marta Elvira kazetaria izango dira.

"Biba Zuek!" astelehenetik ostiralera izaten da ikusgai, 18:00etan, ETB1en eta eitb.eus-en.