Biba Zuek
18:00etan
Familia eredu desberdinak izango dituzte hizpide gaurko "Biba Zuek!" saioan
EiTB
Horretarako, hiru testigantza bilduko dituzte. Bestalde, saioko gonbidatu nagusia Xabier Euzkitze izango da.
-
Xabier Sukia eta Maddalen Arzallus. Argazkia: EiTB
Gaur arratsaldean, "familia ereduak" izango dituzte hizpide "Biba Zuek!" saioan. Horretarako, hiru testigantza entzuteko aukera izango dute: Amaiarena, bere familiak bi ama baititu; Mikelena, guraso bakarra baita; eta Garazirena, Kolonbian jaio eta familia euskaldun batek adoptatu zuen neskarena. Asier Maia izango dute bidelagun.
Saioko gonbidatu nagusia Xabier Euzkitze izango da. Kolaboratzaileak, aldiz, Mikel Markiel eta Mikel Elizegi; eta, egunero bezala, Aritz Ganboarekin bat egingo dute Aralarretik.
"Biba Zuek!" saioa astelehenetik ostiralera izaten da ikusgai, 18:00etatik aurrera, ETB1en eta eitb.eus-en.
