Eman botoa '101 Gaztelu'ko lehiakide gustukoenari!

'101 Gaztelu' saioa amaierara iristen ari da; abenduaren 8an jokatuko da final handia eta lehiakide guztietan gustukoena izandakoa aukeratzeko garaia iritsi da. Sartu '101 Gaztelu' saioaren interneteko atarian eta eman botoa gustukoenari. Botoa emango duten guztien artean asteburu bateko egonaldia zozkatuko da.

Parte hartu duten 17 lehiakideetako edozein izan daiteke gustukoenaren saria eramango duena. Edononori eman daiteke jokoa. Jatorrena izan delako, ondoen jokatu duelako, jarrera onena izan duelako... edozein arrazoirengatik aukeratu dezakezue gustukoen duzuen lehiakidea.Eta botoa emateko modua erraza da: saioaren interneteko atarian lehiakide guztien argazkiak jarri ditugu, bertako 'eman botoa' botoian klik egin eta azpian dagoen formularioa bete behar da. Ondoren, e-posta bat iritsiko zaizue formularioan jarritako helbidera eta e-posta horretan jartzen duena eginda, botoa baliotzat hartuko da.

Finala abenduaren 8an izango da eta botoa eman ahal izango da saioak irauten duen bitartean ere. Orduan jakingo dugu '101 Gaztelu'ko lehiakideen artean nor izan den ikus-entzuleen gustukoena. Pertsona honek astebeteko egonaldia irabaziko du Costa Dauradan.