telebista
Denboraldi berria
"Atrápame Si Puedes" saioak historia egingo du hamargarren denboraldiarekin
EITB Media
Patxi Alonsok aurkeztutako saio beteranoak 45.000 euroko zakuarekin hasi du denboraldia irailaren 11n.
-
"Atrápame Si Puedes"
Euskal Telebistako "Atrápame Si Puedes" lehiaketak bere hamargarren denboraldia estreinatu du astelehen honetan, irailak 11. ETB2ko lehiaketak emozioz, barrez, zakuz eta lehiakide izugarriz betetako 2.400 saio baino gehiago egin ditu.
Patxi Alonsok, beste urte batez, egunez egun hazten jarraitzen duen ETBren tarterik ikusienetako baten buru izaten jarraituko du. Eguerdiko saio beteranoak 500 euro banatzen jarraituko du egunero, eta 45.000 euroko zakuarekin jarriko du abian denboraldia.
Bestalde, "Atrápame Finde" saioak formatuko bertsiorik dibertigarriena izaten jarraituko du. Hala, larunbat eta igandetako emanaldiak berrikuntzak eta aurpegi berriak ekarriko ditu.
Hostoil ekoiztetxeak duela 10 urte ETBrentzat sortutako lehiaketa beste bederatzi telebista autonomikoetan ere eskaintzen da gaur gaurkoz.
Ez galdu "Atrápame si puedes" saioaren denboraldi berria, 14:00etan ETB2n eta eitb.eus atarian.
