telebista
19:00etan
Reala - Bayern Munchen zuzenean, gaur arratsaldean, ETB1en, Euskadi Irratian eta eitb.eus-en
EITB Media
EITBk esklusiban eskainiko ditu Realak eta Bayern Munchen taldeak Txapeldunen Ligako kanporaketa fase honetan jokatuko dituzten joaneko eta itzuliko partidak.
Informazio gehiago (1)
Gaur arratsaldean, Realak Bayern Munchen talde alemaniarraren kontra jokatuko du Txapeldunen Ligako talde-fasea hasi aurreko azken kanporaketa partida. Natalia Arroyoren neskek debuta egingo dute Europan eta Reale Arenan jokatuko dute partida, 19:00etan, giro ezin hobeaz inguratuta.
ETB1ek eta eitb.eus-ek zuzenean eskainiko dute norgehiagoka, Naxari Altuna eta Larraitz Lukas esatarien kontakizunarekin, eta Asier Arangurenek egingo ditu elkarrizketak.
Euskadi Irratian, Maitane Urbieta arituko da esatari lanetan, alboan Juanan Larrañaga eta Gari Uranga dituela. Iker Galartzak umore puntua jarrriko dio emanaldiari.
EITBk esklusiban eskainiko ditu kanporaketako joaneko eta itzuliko partida eta datorren astean Munichen izango dira. Realaren historiako erronka garrantzitsu honetan, taldeak biziko duenaren testigantza zuzena eta zehatza jasoko du EITBk.
