Sua, girgiluak eta liskar ugari, gaur gauean, "El Conquistador del Caribe" saioan

Kanpamentu aberatsean, hondoratutako ontzia eta bertako ohe erosoak hutsik geratu dira, immunitate jokoa irabaziko duen taldearen zain. Baina, zeintzuk joango ote dira? Talde gorriak, esaterako, indarrak berreskuratu ditu, eta hondartza liluragarri horretara itzuli nahi du berriro. Bestalde, Atabey taldeko neskak animoz gogotsu daude, aurreko ataleko doluaren ostean, taldeko kide guztiek lehian jarraitzen dutelako. Urdinek, ostera, beharrezkoa dute garaipena; izan ere, bi kide galdu dituzte bat-batean, eta beste bat galtzeak okertu egingo lieke taldekako lehia. Gauzak horrela, immunitate jokoa irabazteko, funtsezkoa izango da taldekide guztiek bat egitea, elkarri lotuta lehiatuko baitira.

Girgiluen jokoa "Conquis"era itzuli da, baina aurten apur bat zailagoa izango da. Girgiluak ez dira joko honetako protagonista bakarrak izango, lehiakideek sua eta zuziak izango dituztelako bidelagun. Kukubilko jarrita, oinak eta eskuak lotuta izango dituzte, eta taldekideekin lotuta egongo dira, suge itxurako ilara bat sortuta. Koloretako suge horien helburua hiru lastargi piztea izango da. Bidean hainbat oztopo gainditu beharko dituzte, bidean zuzi bat daramatela, eta elkarren artean gurutzatu beharra izango dute. Horrek, ondorioz, haserrealdiak eta tirabirak ekarriko ditu.

Talde bakoitzak posta jasotzean hasiko du lehia; izan ere, aurkarien taldeko norbait aukeratu beharko dute zeregin garrantzitsu bat egiteko. Ondo hausnartu beharreko erabakia izango da, hor baitago immunitate jokoa irabazi edo galtzeko gakoa.

Ez galdu "El Conquistador del Caribe", astelehenetan, 22:30ean, ETB2n, eitb.eus-en eta aplikazioan. Gainera, gogoratu, saioaren atalak EiTB Nahieran atarian, "El Conquis"en aplikazioan bertan, EITB Nahieran aplikazioan eta EITB Mediako gainerako euskarri digitaletan ikus daitezkeela gerora.