'La sociedad literaria y el pastel de piel de patata' filmaren estreinaldia, gaur gauean, "La Noche De..."n

Gaur gauean, "La Noche de..." saioak La sociedad literaria y el pastel de piel de patata (The guernsey literary and potato peel pie society, 2018) filma estreinatuko du telebistan. Mike Newell zinemagileak zuzendutako pelikula honek izen bereko eleberri ezaguna hartzen du oinarri. Idazle bat da protagonista, Guernsey Islandeko biztanleekin adiskidetasun onak egin ostean, bertako herritarrek Bigarren Mundu Gerran bizitakoekin eleberri bat idaztea erabakiko duena, Lily James, Michiel Huisman, Glen Powell eta Jessica Brown Findlay nabarmentzen dira aktore zerrendak.

Félix Linaresek aurkeztutako saioak, halaber, Nicole Kidmanen ibilbidearen errepasoa egingo du, aktore onenaren Oscar sarirako izendapena lortu baitu berriz ere. Gainera, zinemaren historiako muxurik onenen adibide hunkigarriak eskainiko ditu eta FBIa Sidney Poitier hiltzeko zorian egon zela gogoratuko du.

Bestalde, zinema adituentzat Oscarren Kiniela jarriko du martxan "La Noche de..."k, Oscar sarietako kategoria nagusienak (pelikula, zuzendari eta gizonezko eta emakumezko aktore onenak) nork irabaziko dituen asmatzeko. Saioaren jarraitzaileek bozkatzeko aukera izango dute webgunean eta zinema estreinaldi onenetara joateko sarrerak irabazi ahal izango dituzte.

"La Noche de... La sociedad literaria y el pastel de piel de patata" gaur izango da ikusgai, 22:30ean, ETB2n eta eitb.eus-en.