telebista
22:30ean
"Liar" minisailaren amaiera, gaur, "La Noche De..." saioaren emanaldi berezian
EITB Media
Intriga eta suspensea oinarri dituen minisail britainiarra da, eta haren bukaera eskainiko du gaur "LND" saioak.
-
"Liar" minisailaren irudia
Emanaldi bikoitza izango du "La Noche De..." zinema saioak aste honetan. Izan ere, "Liar" minisail britainiarra emitituko da, osorik. Minisailak, berez, bi denboraldi ditu, eta lehenengoa jada ikusgai izan zen 2019ko irailean, "LND" saioan. Orain, bigarren denboraldiaren estreinaldia eskainiko da, bi egunetan: atzo eta gaur, asteazkena. Lehenengo denboraldia ikusi gabe ere jarraitu daiteke bigarren hau.
BBC britainiarraren ekoizpena da "Liar" (2017-2020) eta Joanne Froggart eta Ioan Gruffudd aktoreak dira bertan protagonistak. Ustezko bortxaketa kasu batean, aurrez aurre izango dira biak; eta, bigarren denboraldi honetan, pertsonaia nagusienetako baten hiltzailea nor den argitzea izango da muina.
"La Noche De... Liar", gaur, 22:30ean, ETB2n eta eitb.eus-en.
