Cacata taldeak zulotik ateratzeko beste aukera bat izango du, gaur gauean

"El Conquistador del Caribe" saioaren hurrengo immunitate jokoan indar basatia beharko dute lehiakideek. 20. atalean, konkistatzaileek kaiukoak arrastaka eraman beharko dituzte immunitatea ematen duen ikurrina eta oso sari garrantzitsua eskuratzeko; aurrekoekin zerikusirik ez duen saria lortuko du talde irabazleak. Saio erabakigarria izango da ikusteko Cacata taldearen indarrak nola dauden kanpamentu txiroan hiru gau jarraian igaro ondoren. Arerioek, aldiz, berriz ere ongi jateko aukera izan dute, eta, beraz, borrokan jarraitzeko energia badute.

Enekorenek, gainera, erakutsi beharko dute ez zeudela oker Leire duelura bidali zutenean ahultzat hartzen zutelako, eta hura joan ostean taldea indartsuago dagoela. 20. atalean, taldeak ez du Aitor aukeratuko; izan ere, Muskizkoa zorabiatuta eta indarrik gabe dago dueluaren ostean. Beraz, Cacata taldeak Joana aukeratuko du jokoan taldea gidatzeko.

Davidek, bestalde, Patxi aukeratu du berriro. Kapitainak ez du nahi Begok gehiegi parte har dezan jokoetan, arerioek jomugan jar ez dezaten. Aukeratuak kaiukoen barruan joan beharko dira eta ezingo dute ez urik ez lurrik ukitu; ondorioz, taldeek indar handia egin beharko dute ontzi astunak mugitzeko.

Ez ezazu galdu "El Conquistador del Caribe", astelehenetan, 22:30ean, ETB2n eta eitb.eus-en. Gainera, saioaren atalak EiTB Nahieranen, EITB Nahieranen aplikazio berrian eta EITB Mediako gainerako euskarri digitaletan ikus daitezke.