telebista
Kirolak
Lagun Aro GBC eta Caja Laboral zuzenean ETB-1en eta eitb.com-en
A.H.
EITB
Euskal Koparen finalaurrekoa 20:30etik aurrera jokatuko da.
-
Lagun Aro GBC - Caja Laboral. Argazkia: EFE
Astearte honetan, Lagun Aro GBC eta Caja Laboral taldeek Euskaltel Euskal Kopa txapelketako finalaurrekoa jokatuko dute Gasteizko Iradier Arena estadioan eta Euskal Telebistak zuzenean eskainiko du norgehiagoka arratsaldeko 20:30etik aurrera. Asier Aranguren, Josean Aldalur eta Jokin Etxebarriak egingo dute partidaren gaineko kontakizuna ETB-1en eta interneteko erabiltzaileek ere norgehiagoka zuzenean jarraitzeko aukera izango dute eitb.com-en bidez.
Bestalde, Txemi Galarragak aurkeztutako 'Champions League' saioak Bayern Munich eta Manchester taldeen arteko norgehiagokaren laburpena eskainiko du, Naxari Altuna eta Agustin Benitoren komentarioekin. Horrez gain, Txapeldunen Ligako informazio osoa eskainiko du, eguneko beste partida batzuk aipatuz. 'Champions League' saioa gaueko 22:30etik aurrera dago ikusgai ETBK Sat-en eta eitb.com-en.
