telebista
22:30ean
'La Noche de...' saioak 'Mañana empieza todo' filma eskainiko du gaur
EiTB
Omar Sy protagonista duen drama eta komedia nahasten dituen filma eskainiko dute. Halaber, Liam Hemsworth aktoreaz jardungo dira.
-
Felix Linares 'La Noche de' saioko aurkezlea. Argazkia: EiTB
Gaur gauean, Felix Linaresek aurkezten duen 'La Noche de...' saioak drama eta komedia nahasten dituen Mañana empieza todo filma eskainiko du. Omar Sy (Intocable) aktorea da protagonista, eta filmean, Samuel gazte alproja hezurmamitzen du. Bere bizitza zeharo aldatuko da amorante ohi batek ustekabea ematen dionenean: bere alaba dela esanez jaioberria bere esku utziko du eta bera desagertu egingo da.
Halaber, programak Liam Hemsworth-en radiografia egingo du. 30 urte betetzear dagoen Hemsworth anaia aktore txikienaren bizitza eta bitxikeriak errepasatuko dituzte atal honetan.
Cómo se hizo tartean, zineko eszena ezagunenen filmazio ikusgarriak nola egin diren erakutsiko dute. Aste honetan, Indiana Jonesen agertzen den bola nola egin zen erakutsiko dute.
'La Noche de...' saioa 22:30ean izango da ikusgai ETB2n eta eitb.eus-en.
