Futbola, pilota eta txirrindularitza, gaur, zuzenean, EiTBn

Bigarren B Mailako Real Union vs Vitoria C.D. futbol partida izango dugu eguneko lehen kirol emankizuna, gaur, ETB1en eta eitb.eus-en. Naxari Altunak eta Juanan Larrañagak egingo dute zuzeneko kontakizuna 16:00etatik aurrera.

Ordu berean, ETB4n eta eitb.eus-en, Asturiasko Itzuliko 2. etapa izango dugu ikusgai: Soto de Ribera - Cangas de Narcea. Fermin Aramendik eta Xabier Usabiagak emango dute lasterketaren berri.

18:00etan (ETB1 eta eitb.eus) 'ETB Kantxa' saioa hasiko da zuzenean Iruñeko Labrit pilotalekutik. Victor - Ibai Zabala vs Artola - Eskiroz partidarekin hasiko da jaialdia. Gero, Buruz Buruko Txapelketako Ezkurdia vs Jaka jokatuko da. Josetxo Lizartza, Jokin Errasti eta Ibon Gaztañazpi izango dira esatariak.

21:00etan (ETB4 eta eitb.eus), arratsaldean Hernaniko Galarretan jokatutako Segurola - Endika vs Ezkurra II - Garces erremonteko Sagardoaren Txapelketako finalaren kontakizuna egingo dute Iñigo Aiestaranek eta Manuel Arrizabalaga Matxinek.