Villar de Arnedoko pilota jaialdia, gaur gauean, ETB1en eta eitb.eus-en

Gaur gauean, Errioxako Villar de Arnedon jokatuko den pilota jaialdia eskainiko dute ETB1ek eta eitb.eus-ek 22:00etatik aurrera.

Hasteko, Bakaikoa-Iturriaga eta Alberdi-Aranguren bikoteen arteko norgehiagoka izango da ikusgai eta ondoren, Urrutikoetxea-Mariezkurrena II eta Bengoetxea VI-Imaz izango dira aurrez aurre partida nagusian.

Xabier Euzkitzek, Joxean Tolosak eta Ibon Gaztañazpik egingo dute emanaldiaren kontakizuna.