telebista
Kirolak
San Mateo Torneoko finala, gaur, zuzenean, ETB1en eta eitb.eus-en
EiTB
Horrez gain, saskibaloiko Euskal Kopako gizonezkoen finala eta Artzain Txakurren Oñatiko Nazioarteko Saria eskainiko dira.
ETB1ek eta eitb.eus-ek zuzenean emango dute igande honetan Logroñoko Adarraga pilotalekuan jokatuko den San Mateo Torneoko finala. 17:00etan hasiko den pilota jaialdian beste bi partida hauek jokatuko dira: Retegi BI-Untoria / Arteaga II-Ruiz eta Arretxe II-Urretabizkaia II / Mendizabal III-Erostarbe. Xabier Euzkitzek gidatuko du emanaldia Joxean Tolosa eta Elena Azpeitia lagun dituela.
Pilotaren aurretik, 15:30ean, goizean jokatutako Artzain Txakurren Oñatiko Nazioarteko Sariaren berri emango digu Juanan Legorburuk. Estepan Plazaola adituarekin batera.
12:00etan saskibaloi emanaldia izango dugu Durangotik zuzenean: gizonezkoen Euskal Kopako finalaren kontakizuna egingo dute Xabier de la Fuentek eta Josean Aldalurrek.
11:00etan zesta puntari tartea egingo diote, Donibane Lohizuneko Interjai Txapelketako finalerdia eskaintzeko. Iñigo Aiestaran Izango da esataria.
