telebista
Kirol emanaldiak
Arrigorriagatik binakako txapelketa zuzenean, ETB1en eta eitb.eus-en
EITB
Gainera, emakumeen Master Cup txapelketa Sopelatik eta Euskalgym 2017 txapelketa izango dira ikusgai.
Gaur, Arrigorriagako binakako pilota txapelketa eskainiko dute ETB1ek eta eitb.eus-ek zuzenean. Hasteko, Arteaga II- Erasun eta Peña II- I. Zabala bikoteek jokatuko dute atariko partida, eta ondoren, Urrutikoetxea- Aretxabaleta eta Elezkano II- Rezusta txapelketa partida izango da ikusgai. Emanaldia arratsaldeko 17:00etan hasiko da eta Xabier Euzkitzek, Joxan Tolosak eta Xabier Anduezak egingo dute kontakizuna.
Halaber, 12:00etan, Sopelatik zuzenean, eskainiko dute ETB1ek eta eutb.eus-ek emakumeen Master Cup txapelketa. Maite Iriartek eta Eneritz Arrietak jokatuko dute lehen mailako lau t'erdiko finala, eta ondoren, Leire Etxaniz eta Maider Mendizabal pilotariek elite mailako lau t'erdiko finalean arituko dira aurrez aurre. Iñigo Aiestaranek, Olaz Arrizabalagak eta Xabier Anduezak egingo dute kontakizuna.
Amaitzeko, Euskalgym 2017 gimnasia erakustaldia izango da ikusgai, 15:45etik aurrera. Munduko gimnastarik onenek euren dantzak eskainiko dituzte, horien artean, Laura Zeng amerikarra, Melitina Staniouta, 40 dominatik gora lortutako gimnasta, Katrin Taseva bulgariarra, Viktoria Mazur ukrainarra, Salome Pazhava georgiarra, Vladinova bulgariarra eta Aleksandra Soldativa errusiarra. Halaber, beste guztien gainetik aipatu beharreko izan bat: Dina Averina, Italian egindako aurtengo munduko txapelketan, urrezko hiru domina eta zilarrezko beste bat eskuratu zituen neska. Saioa osatzeko, Nicoletta Tinti italiarraren ekitaldi hunkigarria izango da ikusgai.
