telebista
22:00etan
ETB-LEPM Sariko lehen finalerdia, gaur, ETB1en eta eitb.eus-en
A.A. | EiTB
Zabala-O.Etxebarria eta Lerena-Olaizola III bikoteak izango dira aurrez aurre Logroñoko Adarragako pilota partidan.
Logroñoko Adarraga pilotalekuan jokatuko den ETB-LEPM Sariko lehen finalerdia eskainiko dute gaur ETB1ek eta eitb.eus-ek 22:00etatik aurrera. Profesionaletara pasatu nahi duten afizionatu mailako pilotariek parte hartzen dute torneo honetan. Ostiraleko kanporaketa jokatuko duten bi bikoteak Zabala-O.Etxebarria eta Lerena-Olaizola III izango dira.
Ezkurdia-Martija / Mendizabal III-Merino II norgehiagokarekin osatuko da jaialdia, eta Xabier Euzkitzek, Joxan Tolosak eta Elena Azpeitiak egingo dute horien kontakizuna.
Saioa 22:00etan hasiko da, eta ETB1en eta eitb.eus-en izango da ikusgai.
