telebista
Kirolak zuzenean
Getariako Bandera eta Arrasateko pilota jaialdia, gaur, ETBn
A.A.
Euskadiko Lur Gaineko Sokatira Txapelketa ere ikusgai izango da.
Informazio gehiago (1)
Estropadak eta pilota zuzenean eskainiko dituzte,gaur, ETB1ek eta eitb.eus-ek.
Emakumeen Gipuzkoako Ligako eta KAE Ligako traineruek Getariako Bandera jokatuko dute, 12:00etatik aurrera. Mikel Olazabalek, Ibon Gaztañazpik eta Xabier Anduezak egingo dute kontakizuna.
17:00etan, Arrasateko Uarkape pilotalekuarekin bat egingo dute ETB1ek eta eitb.eus-ek. Iñigo Aiestaranek, Joxan Tolosak eta Elena Azpeitiak gidatuko dute emanaldia, eta hiru partida eskainiko dira: Jaunarena-Mendizabal III.a (Nafarroako Lau T'erdiko Txapelketakoa), Ezkurdia-Rezusta / Altuna III.a-Barriola eta Gorka-Martija / Jaka-Tolosa.
Pilotaren aurretik, herri kirolen tartea zabalduko dute, Euskadiko Lur Gaineko Sokatira Txapelketa eskaintzeko. Juanan Legorburuk emango du hilaren 18an Barrikan jokatutako norgehiagokaren berri.
Amaitzeko, 13:00etan, ETB4n eta eitb.eus-en, Urriza-Barrenetxea IV.a / Uterga-Matxin III.a-Etxeberria III.a erremonte partida izango da ikusgai.
>
