prentsa oharrak
Kirol emanaldiak
Caja Laboral-Lagun Aro derbia, igandean, ETB-1en
A.A.
EITB
Arratsaldean Italiako Giroko bigarren etapa eta Eibarko Astelenako pilota jaialdia eskainiko dira.
Saskibaloiak, txirrindularitzak eta pilotak osatuko dute ETB-1ek igande honetarako prestatu duen kirol eskaintza. Eguerdiko 12:30etatik aurrera, Xabier de la Fuente, Josean Aldalur eta Jokin Etxebarriak Caja Laboralek eta Lagun Arok jokatuko duten derbiaren berri emango dute zuzenean.
Arratsaldeko "Kirolez Kirol" saioa 15:00etan hasiko da, Italiako Giroko bigarren etapa eskaintzeko. Amsterdam eta Utrech arteko jardunaren azken kilometroen kontakizuna egingo dute Fermin Aramendik eta Unai Osak.
Bostetan, Eibarko Astelena pilotalekuarekin bat egingo dute. Buruz buruko bi partida jokatuko dira bertan: lehendabizi, Mendizabal II-Merino eta, ondoren, Patxi Ruiz-Xala. Xabier Euzkitze eta Joxan Tolosa izango dira berriemaile. Pilota partida hau eta Italiako Giroaren etapa eitb.com webguneak jarraitzeko aukera izango da.
