prentsa oharrak
Audientzia
Barça-Inter partidaren audientzia errekorra ETB-1en
A.E.
EITB
874.000 lagunek egin zuten bat uneren batean partidarekin. Horrez gain, %40,9ko audientzia zatia eskuratu zuen.
Atzo jokatu zen Bartzelona-Inter de Milan partida ETB-1eko Txapeldunen Ligako partidarik ikusiena izateaz gainera, aurtengo emanaldirik ikusiena izan da ETBn. Bartzelona finaletik kanpo utzi duen neurketak %40,9ko audientzia zatia eta 16,8%ko ratinga izan du.
Ikus-entzule kopuruari dagokionez, 423.00 lagunek ikusi zuten bataz beste partida osoa EAE eta eragin esparruan. Uneren batean ikusi zutenak, berriz, 874.000 ikus-entzule izan ziren.
Azken bost urte hauetako bigarren futbol partidarik ikusiena izan zen Barça-Inter neurketa. Lehen postuan, 2005eko apirilaren 9an jokatu zen Athletic-Real dago. Norgehiagoka honek %45,6ko audientzia zatia eta %18,8 ratinga izan zuen.
Bestalde, Internet bidez ere ikusi ahal izan zen partida. eitb.com-ek ohi duenez partidaren streaming-a jarri zuen eta 35.000 erabiltzaile bakarreko audientzia eskuratu zuen.
