prentsa oharrak
Txirrindularitza eta futbola
Paris-Niza lasterketaren bigarren etapa, zuzenean, ETB-1en
A.H.
EITB
Gauean "Champions Gunea" saioak eguneko bi partiden laburpenak eskainiko ditu.
Asteartean eguerdiko 15:15etatik aurrera, Euskal Telebistak Paris-Niza lasterketaren bigarren etapa eskainiko du zuzenean, Fermin Aramendi eta Unai Osa adituen komentarioekin. Contres eta Limoges herri frantziarren arteko 201 kilometroek osatuko dute bigarren etapa hau. Txirrindulariek ez dute zailtasun handiko mendaterik topatuko lasterketan: hirugarren mailako hiru gain eta azkeneko 70 kilometroetan etengabeko gorabeherak izango dituzte.
Gaueko 23:55etatik aurrera, "Champions Gunea" saioak Europako Txapeldunen Ligako informazio guztia eskainiko die Euskal Telebistako ikus-entzuleei. Arsenal-FC Porto eta Fiorentina-Bayer Munich partiden laburpenek osatuko dute Mikel Olazabalek aurkezten duen saioa.
