telebista
Gaur
Donostiako banderako sailkatze probak, zuzenean ETB1en eta eitb.com-en
A.H.
EITB
Arratsaldeko 16:30ean bat egingo dute Euskal Telebistak eta eitb.com-ek Kontxako Banderarekin.
Donostiako Banderarako sailkatze probak izango dira gaur Kontxako Badian, eta Euskal Telebistak zuzenean eskainiko du kirol hitzordua, arratsaldeko 16:30etik aurrera. ETB1en eta eitb.com-en jarraitu ahal izango da emanaldia. Mikel Olazabalek, Ibon Gaztañazpik, Amane ibañezek eta Xabier Anduezak osatutako lan-taldeak probaren kontakizuna eskaintzeaz gain, protagonistei elkarrizketak egingo dizkiete. Donostiako Banderaren lehenengo jardunaldia igande honetan izango da, eta ostegunean erabakiko da zein taldek parte hartuko dute denboraldiko hitzordu garrantzitsu honetan.
Zesta ETBKn
Arratsaldeko 20:30ean, ETBK kateak bezperan Biarritzen ospatutako Munduko Zesta Txapelketa finala eskainiko du, Erkaiga-Txasio eta Beaskoetxea- Irastorza bikoteen artean. Iñigo Aiestaran eta Jabier Arakarazo komentaristek emango dute partidaren berri.
