Zinemaldia 2024
Sariak
Zinemaldiko euskal zinemaren saria, 'Pedaló' filmarentzat
Agentziak | Erredakzioa
Juan Palaciosen lehen film luzeak Irizar saria irabazi du, eta publikoaren saria “I, Daniel Blake” Ken Loachen pelikularentzat izango da.
“Pedaló” Juan Palacios zinemagile gaztearen lehen film luzeak Euskal Zinemaren Irizar saria irabazi du Donostiako Zinemaldiaren 64. edizioan.
Bestalde, “I, Daniel Blake” Ken Loach beteranoaren filmak Publikoaren Saria jasoko du, eta “Ma vie de courgette” umeentzako animaziozko lan frantziar-suitzarra agertuko da palmaresean Europako film onen gisa.
Gazteriaren Eroski saria “Bar Bahar” Maysaloun Hamouden pelikula frantziar-israeldarrak irabazi du. Israeldar pasaportea duten neska palestinar batzuek istorioa kontatzen du: jaioterritik urrun, Tel Aviven, aske bizitzea erabakiko dute.
Sebastiene lesbiana, gay, transexual eta bisexualen gaiak ondoen islatu dituen film onenaren saria “Rara” Pepa San Martinen filmarentzat izan da, eta Espainiako Estatuko zinema kazetariek ematen duten saria, Feroz izenekoa, “El hombre de las mil caras”ek irabazi du.
Lurra Greenpeacek ematen duen saria “L’Odysseé”k jaso du, Jacques Cousteauren bizitza kontatzen duen filmak.
