Zinema
Goraipamena
2016ko Ohorezko Goya saria Mariano Ozoresentzat izango da
Agentziak | Erredakzioa
Espainiako Zinema Akademiak “ia ehun filmetan espainiarren belaunaldi askori barrea eragin diolako” emango dio saria Ozoresi.
-
Mariano Ozores. Argazkia: Efe.
Espainiako Zinemagintza Arte eta Zientzien Akademiako zuzendaritza batzordeak 2016ko Ohorezko Goya saria Mariano Ozores zuzendari eta gidoigileari (Madril, 1926) ematea erabaki du, “komedian ibilbide sendo eta oparoa baitu”.
Akademiak iragarri duenez, Ozoresek “poz handiz” hartu du albistea, Antonio Resines elkarteko presidenteak horren berri emateko deitu dionean.
“Lotsa apur batez, merezi dudala pentsa nezake, baina heltzen den egunean bozkario handi batek hartzen zaitu”, esan du Ozoresek.
Hirurogeiko, hirurogeita hamarreko eta laurogeiko hamarkadan arrakasta handia izan zuen zuzendari eta gidoilariaren “ibilbide luzea” eta “komediaren ikuspegitik unean uneko egoera islatzeko erakutsitako abilezia” saritu nahi dituzte horrela.
Akademiaren arabera, “espainiarren hainbat belaunaldi jarri ditu barrez, ia ehun filmetan”.
