kultura
Jardunaldiak
Madrilek ateak ireki dizkio euskarari
'Euskarari gorazarre' jardunaldiak ostiralera bitartean izango dira, "etengabe mugitzen den" hizkuntza ezagutarazteko.
Euskal Herritik kanpokoko hiritarrei euskara hurbiltzea dute helburu ostiralera arte Etxepare Institutuak antolatu duten jardunaldiek. Estatuan hizkuntzarekiko duten pertzepzioa "zalantza barik" aldatu dela azaldu dute, Euskal Herriko egoera politiko berriari esker.
"Euskarari gorazarre" izena hartu dute eta ostiralera bitartean egingo dituzte, "etengabe mugitzen den" hizkuntza ezagutarazteko, azaldu du Urrutiak.
Aizpea Goenaga Etxepare Institutuko zuzendariak jakinarazi duenez, hizkuntzaren difusiorako eta promoziorako lanean daude eta, batez ere, "merezi duen ikusgarritasuna emateko".
Madrileko euskara ikasleekin topaketa bat egingo dute eta baita hizkuntza eta kultura errealitatea hurbiltzeko hitzaldiak ere. Gainera, At! ikuskizuna Madrilera eramango dute. Iaz Etxepare Institutuak aurkeztu zuen ikuskizun hori, poesia, musika, antzerkia eta literatura uztartuz.
